Сайн уу ангийнхаан, та нар блог дээр байгаа зүйлсийн заримыг нь хараад гайхаж байж магадгүй. Жишээ нь, энэ киноны дуу. Би энэ кинонд үнэхээр дуртай. Дуунд нь ч гэсэн их дуртай. Киноны гол дүрийн хоёр шиг манайхан зоригтой сайхан үерхэж найзлаагүй ч, сүүлд сонсохнээ энэнээс ч дутахгүй зүйлүүд болж л байсан юм билээ. :) 9-р ангийн намрын ажлаар хөөрхөн, хөөрхөн юм их болсныг блогчин би нилээн хойно л мэдсэн шүү. Ер нь миний мэдэхгүй зүйл зөндөө л болж байсан юм билээ. За за тэр ч яахав. Энэ дуу 10жилийн хөгжилтэй, дурсгалтай мөчүүдийг чинь та нарт сануулна гэж найдаж байна.

Зүүдэнд оромгүй явдал...

АРДЫН БАГШ ЗУЛАА...

Хүүе ангийнхаан, манай хүүхэд сая над руу утасдаж, орой ирэхдээ бэлэг авчираарай гэж захиж байна. Маргааш ангийнхаа багшид өгмөөр байна гэнээ. Тэгээд гэнэт манай ангиас нэг ардын багш гарсан шүү дээ, баярын мэнд хүргэх хэрэгтэй гэж бодлоо. Багшийн мэргэжил үнэхээр сайхан шүү. Тэр тусмаа бага ангийн багш үнэхээр чухал, хүүхдэд маш их нөлөөлдөг гэдгийг хүүхдээ сургуульд ороход л мэдэж авлаа. Зулаадаа багш нарын баярын мэнд хүргээд, мянган мянган сайн шавь төрүүлээрэй (мэдээж аль хэдийн олон сайн хүмүүсийг төрүүлчихсэн байгаа л даа...) гээд ажлын өндөр амжилтыг ангийн хамт олон чинь чин сэтгэлээсээ хүсэж байна шүү!! Сайхан баярлаарай!!

Оюунаагийн гэр бүл...

Сайн уу ангийнхаан, та бүхэндээ Оюунаагийнхаа гэр бүлийг танилцуулж байна. Оюунаа маань нутгийн залуутайгаа гэр бүл болж 3 хөөрхөн хүүхэдтэйгээ инээгээд л амьдраад байна даа :)

Оюунаагийнхаа гэр бүлд аз жаргал, хамгийн гол нь эрүүл энхийг ангийн хамт олон чинь чин сэтгэлээсээ хүсэн ерөөе!

Жич: Оюунаа энэ зурган дээр бараг танигдахгүй гарсан байна шүү.

УЛААНБААТАРЫН ҮДЭШ...

Хүүе ангийнхаан, энэ зургийг хэзээ ч харж байгаагүй юм шиг санагдаж байнаа. Их ховор зургийг харин Мөнгөөдэй маань өгч намайг их баярлууллаа. Энэ хэдэн он байсан бэ? Би та нартай хамт явж чадаагүй дээ үргэлж харамсдаг байж байгаад мартчихсан байсан чинь энэ зургийг хараад бүр их харамсаж байна шүү. Би ч өөрийнхөө зөрүүд байдлаас болоод л яваагүй юм л даа, уг нь. Ээжийнхээ өгсөн 50 төгрөгийг голоод, ээждээ гомдож, зөрүүдэлснээс л болсон юм. Цаг хугацааг эргүүлж болдог бол, мөнгө зээлээд ч хамаагүй явмаар л байна. :) Тэр үед харин намайг (Далангийн биднийг) ятгах гэж Даланд ирж, манай үүдний пүүтэгт хөлдөж үхтлээ зогссон Энхээ, Олноо, Дэлээ (зөв үү, би сайн санахгүй байна) нарт чин сэтгэлээсээ баярладаг шүү. Гэхдээ эд нар хамгийн гол нь Баяраа даргыг авах гэж ирсэн байхгүй юу, тэгсэн чинь яахав нөгөөдөх нь аль хэдийн хот руу хэсээд явчихсан байж таарна даа :)

За за, тэр ч яахав. Энэ их гоё зураг байна шүү. Манайхан чинь яасан ч хөөрхөн хүүхдүүд байсан юм...Ховор нандин зурагнаасаа хуваалцсанд Мөнгөөдэй чамд маш их баярлалаа.

Ангийнхаан та нар шүү!!

Хүүе ангийнхаан, хөвгүүддээ зориулж 38 тай аав гэдэг дууг мэндчилгээ болгох гэсэн чинь нээх онц дуу биш юм шиг байна ш дээ. Клипэн дээр нь их л хэцүү аав харагдаад байхаар нь болчихлоо. Оронд нь 10жилд байхдаа та нарын их дуулдаг байсан дуунуудыг тавьлаа. :) Дээр нь нээрээ нэмж хэлэхэд та нар энэ блогийг үзэж байгаа бол ямар нэгэн хэлбэрээр үзэж байгаа гэдгээ мэдэгдэж хайрлана уу? Тэгээд 20жилийнхээ талаар ямар санал дэвшүүлмээр байна бич л дээ!!! Та нар ядаж л алс холоос та нар луу захиа бичсэн Баяраад хариу бичээч....та нарыг таг байна, энэ e-mail хаяг нь зөв юмуу, энийгээ шалгадаг хүн байдаг юм уу ер нь гээд л цаадах чинь толгой хяргачих гээд байх юм. Эцэст нь блогчин би энэ блогоо үргэлжлүүлмээр л байна. Даанч та нарт таалагдаж байгаа үгүйг, мөн үргэлжлүүлэхийг хүсэж байгаа хүн байгаа болов уу гэж бас бодох юм...

Дууны чинь санд ... :)

Дууны чинь санд...:)

Олноо, Ундрал, Ирмүүн...

сайн уу ангийнхаан, та бүхэндээ Олноо, Ундрал хоёрын хүүг танилцуулж байна. Энэ зургийг эздийнх нь зөвшөөрөлгүйгээр Ундралын facebook-ээс татаж авсандаа хүлцэл өчье. Олноогийнх маань 2 охин, нэг хүүтэй аз жаргалтай сайхан амьдарч байна. Дараа гэр бүлийг нь бүтнээр нь та бүхэндээ танилцуулна. Ангийн хосдоо найзууд чинь аз жаргал, эрүүл энх, хорвоогийн хамгийн сайхан бүхнийг хүсэн ерөөе!

Мөнгөөдэйгийн гэр бүл

Сайн уу ангийнхаан, та бүхэндээ Мөнгөөдэйгийнхээ гэр бүлийг танилцуулж байна. Мөнгөөдэй маань 2 хөөрхөн хүүхэдтэйгээ, бас хөөрхөн нөхөртэйгөө :) Улсынхаа нийслэл Улаанбаатар хотод аз жаргалтай сайхан амьдарч байна. Мөнгөөдэй, танай гэр бүлд аз жаргал, эрүүл энх, хорвоогийн хамгийн сайн сайхан бүхнийг ангийн андууд чинь хүсэн ерөөж байна.

klip-nuans.wmv

2011...

Сайн уу ангийнхаан, та нартаа шинэ оны мэднийг хүргэе!!! Манай ангийнхан 1991 оны зунаас хойш бүгд дөрвөн зүг, найман юу гэдэг билээ дээ, тал тал тийшээ хөлгийн жолоо залсан даа. Тэр мөчөөс хойш одоог хүртэл нэг ч удаа 17уулаа уулзаагүй л явна ... :( Онжий, Дэлээ, Жамцаа нараар блогоо хөтлүүлбэл үнэхээр гоё бичнэ дээ гэж бодоод л байж байна :) Хандаа, Сараа 2 маань эмч болохоор Шандыг, Зулаа, Оюунаа 2 маань багш болохоор, Ундрал маань банкны дарга болохоор улсын нийслэл Улаанбаатар хотыг, Баяараа маань компаны захирал болохоор Дархан хотыг тус тус зорьж билээ. Блогчин миний бие саяхныг хүртэл Пүрэвцэцэгийг Багшийн дээдэд сурхаар явсан гэж андуурч байжээ. Пүрэвцэцэг Дарханд очиж Баярааг эргэх үеэр энэ зургийг авахуулсан гэсэн. Хүн чанар гэж л энэ байхдаа...за за тоглсон юм.